Isang Pulis, Isang Ama ng Tahanan

Bantayog Ng Kagitingan

ni Bert Fabregas

PSSgt Emmanuel Lamigo, Isang Pulis, Isang Ama!

Ang mga alagad ng batas ay tagapangalaga nang kaayusan at kapayapaan ng lipunan, tagapagtanggol ng mamamayan laban sa mga manliligalig, protektor ng mahihina at mga walang lakas sa lipunan. Ang inyong pulisya ang tumutugis sa mga kriminal at mga terorista na naghahasik nang takot at pangamba sa mamamayan. Ang bawat kasapi ng inyong Philippine National Police (PNP) ay nakalaang mag-alay ng sarili upang tuparin ang kanilang sinumpaang tungkulin. 

Bilang isang ama, tayo ang haligi ng tahanan at gumagabay sa ating mga anak. Hangad natin ang kanilang magandang kinabukasan. Sinisikap natin na ibigay sa ating mga anak ang isang ligtas na pamayanan, malaya sa kriminalidad at terorismo. Bilang ama, sinisikap natin na makapiling ang ating pamilya lalo na sa mahalagang araw ng kanilang kaarawan.

Ang pamilya ay itinuturing na pinakamahalagang sangay ng komunidad, ng lipunan. Subalit sa mga kriminal at manliligalig, ito ang kanilang pangunahing target na dapat wasakin.

Kaya napakalungkot isipin kung ang isang ama ay lumisan sa mundo sa mismong araw ng kaarawan ng kanyang minamahal na anak.

December 18, 2019 magpapasko na noon kung kaya masayang-masaya si PSSgt Emmanuel Lamigo, 39 anyos, Desk Officer ng Marihatag Police Station, Surigao Del Sur. Bukod sa magpapasko na ay birthday din ng kanyang anak kaya mula sa istasyon ng pulisya ay masigla siyang umuwi upang makadalo sa pagdiriwang. Mahal na mahal niya ang kanyang pamilya at sila ang inspirasyon niya sa kanyang propesyon. Nang marating niya bandang 6:30 ng gabi ang harapan ng kanilang bahay sa Barangay Poblacion, agad siyang bumaba sa kanyang motorsiklo. Ngunit sa halip na yakap ng anak ang sumalubong sa kanya ay sunud-sunod na putok ng baril ang umalingawngaw sa paligid. Nabigla man sa pangyayari, nakabunot pa rin ng kanyang baril si PSSgt  Lamigo upang lumaban subalit tinamaan siya ng punglo sa noo. Lumatag sa lupa ang katawan ng pulis na tinamaan ng mga bala ng cal 45. Umagos ang dugo ng pulis sa harapan mismo ng kaniyang tahanan, kasabay din nito ang pagpatak ng luha ng kanyang pamilya at anak na nagdiriwang ng kaarawan.

Kaagad namang tumakas ang dalawang salarin papunta sa Baybay area sakay ng motorsiklo.

Nagdiwang ang mga kriminal at manliligalig sa matagumpay nilang pagpaslang sa isang pulis, sa isang ama, sa isang kasapi ng komunidad na naghahangad na mamuhay nang payapa at may katiwasayan. Sa kanilang pagbubunyi at pagtangan sa baluktot nilang prinsipyo, ninakawan nila nang ama ang dalawang anak ni PSSgt Lamigo, winasak nila ang magandang pangarap ng isang pamilya.

Sa ating mga kapatid na pulis na nasugatan at nag-alay ng buhay dahil sa pagtatanggol para sa ating kapayapaan at Demokrasya, saludo po kami sa inyong katatagan at dedikasyon sa tungkulin!

Police Chief Master Sergeant Reil Morgado, Alay sa Altar ng Karahasan!

Ang terorismo ay balakid sa kapayapaan at kaunlaran, naghahasik ito ng takot at pangamba sa mamamayang Pilipino. Layunin ng terorismo na ipulupot sa leeg ng isang demokratikong gobyerno ang kadena nang kalupitan at karahasan upang ito ay maibagsak.

Sa Pilipinas, isa ang New People's Army (NPA) sa mga teroristang grupo. Sila ang armed-wing ng Communist Party of the Philippines (CPP) at ng National Democratic Front (NDF). Ang CPP ang ulo/utak nang pagkilos, ang NPA naman ang armas/espada at ang NDF ang kalasag/baluti ng teroristang grupo. Ang tatlong magkakasabwat na ito ay sumusunod sa bawat kumpas at kapritso ni Jose Maria Sison na pinalaya ng Rehimeng Cory Aquino noon at ngayon ay nagtatampisaw sa maalwang pamumuhay sa Netherlands.

Naging tradisyon na sa NPA na tuwing sasapit ang anibersaryo ng CPP sa buwan ng Disyembre ay pinag-iibayo nila ang kanilang mga gawain nang pamamaslang. Ang kanilang mga biktima ay kadalasang mga uniformed-personnel ng pamahalaan o mga sibilyan na maigting na taga suporta ng mga makabuluhang programa ng gobyerno.

Noong December 13, 2018, bandang alas 8:30 ng gabi, isang buhay ang walang awang inialay ng mga NPA sa Purok 4, Barangay Jagupit , Santiago, Agusan Del Norte sa altar ng kanilang Poon na si Joma. Ang inihandog nila para sa ika-50 anibersaryo ng CPP ay si PCMSgt Reil Morgado, 46 anyos ng Santiago Municipal Police Station. Pinagtangkaan siyang dukutin ng mga teroristang NPA sa kanyang sariling tahanan. Magiting na nanlaban ang pulis kahit may mga tama na siya ng punglo gamit ang kanyang service firearm subalit kalaunan ay naigupo din ng mga katunggali dahil sa mga tama ng bala sa katawan. Ang kanyang dugo ay ibinuhos sa lupain ng Agusan Del Norte na ilang dekada nang saklot ng kalupitan at karahasan ng mga manliligalig.

Ipinagluksa ng mga taga Santiago ang pagpaslang ng mga NPA kay PCMSgt Reil Morgado, isang alagad ng batas, isang Pilipino at kabalikat ng mamamayan para sa kapayapaan at pag-unlad. Bumuhos ang luha sa libing ni Morgado sa Jagupit Public Cemetery. Masakit ang kanyang pagkawala dahil magpapasko nang siya ay mapaslang. Nagsuot nang itim na damit ang mga dumalo sa kanyang libing na nagdala ng mga plakards na nagpapahayag ng mariing pagkondena sa pamamaslang at karahasang inihahasik ng mga teroristang NPA.

Sa bawat patak ng luha mula sa mga nagmamahal at naulila ni PCMSgt Morgado, ngiti at halakhak naman ang nagmula sa mga NPA na ipinagbunyi ang kamatayan ng kanilang kapwa Pilipino. Para sa nga CPP-NPA-NDF na uhaw sa dugo at walang paggalang sa buhay ng kapwa-tao, sisingilin sila ng kasaysayan at ng mamamayan sa utang nilang mga inosenteng buhay.

Pls share to honor his sacrifice for our country!

#NpaBerdugoAtSalot

#BayaningPulis

#bantayogngkagitingan

#ForGodAndCountry

#bayanisapuso

PInsp MARLON F FRILLES at PO1 BINGGO A UTTO -Special Action Force(SAF)

Bantayog ng Kagitingan

“The secret of life isn’t just to live but to have something worthwhile to live for. We only live once, but if we live a just and righteous life to fight for a noble cause… one lifetime is more than enough…”

Ni Bert  Fabregas

“Kagitingan at Katapangan sa Serbisyo”

            Ang katapatan at kagitingan ay mga katangiang taglay ng isang tunay na Alagad ng Batas. Ang mag-alay ng buhay sa ngalan ng katarungan ang pinakamataas na antas ng sakripisyo na ating maihahandog para sa sambayanang ating pinaglilingkuran. Ito ang makitid at matinik na landas na  tinahak nina PInsp FRILLES at PO1 UTTO ng PNP-Special Action Force (SAF).

           

            1:15 ng madaling araw noon, Agosto 10, 2006, isang team ng SAF na kabilang sa Rapid Deployment Company (RDC) sa Pikit, North Cotabato ang nagsagawa ng operation upang arestuhin ang isang wanted na kriminal na nagtatago sa Barangay Balong. Matapos ang may pitong kilometrong paglalakbay ay huminto ang nabanggit na pangkat malapit sa tinitirhang bahay ng target personality na si Indonesian Jemaah Islamiyah (JI)  terrorist Abdulhir Bin Hir, alyas Marwan.      Ayon sa rekord ng pulisya at militar, si Bin Hir ay kabilang sa tinukoy na 40 JI terrorists na nakapasok sa bansa sa pamamagitan nang pagdaan sa southern backdoor sa rehiyon ng Mindanao.

           Napag-alamang si Alyas Marwan ay kasamahan ng dalawang JI terrorist na sina Dulmatin at Omar Patek na may patong sa ulo na $10 milyon at $1 milyon dahil sa pambobomba sa Bali, Indonesia na pumatay sa 200 katao noong Oktubre 12, 2002. Nang mga panahong iyon ay nagtatago sa bansa ang mga dayuhang terorista kasama ang mga Muslim militants. Matapos makumpirma ang bahay ng subject, naatasan si PInsp FRILLES na siyang mangasiwa sa security ng tropa.

            Matapos ibigay ang signal nang pag-atake, mabilis na kumilos ang mga SAF troopers patungo sa target na tahanan. Gayunpaman, naalerto ang nasa loob ng bahay na hinihinalang asawa ng subject. Naging hysterical ang ginang na naging daan upang maalarma din ang kanilang mga kapitbahay. Sa puntong iyon, sunud-sunod na putok ng baril mula sa mga katabing bahay ang sumalubong sa tropa na napilitan na ring gumanti ng putok.

           Heavy volume of gunfires ang pinakawalan ng mga katunggali ng SAF troopers. Matapos ang may 25 minutong palitan ng putok, napagtanto ng Team Leader na malabo na nilang madakip ang subject dahil sa suporta ng mga armadong kapitbahay nito na nagpakita ng matinding resistance at firepower. Wala ring available na matibay na cover para sa tropa kung kaya napilitan silang mag-disengaged sa labanan at i-adopt ang kanilang withdrawal plan upang maiwasan ang pagka- pinned down ng tropa na magbubunga ng mga casualties.

            Habang patungo sa kanilang rallying point na may 150 metro ang layo mula sa encounter site ay may narinig pa ang mga SAF na palitan ng putok na tumagal nang halos limang minuto. Nang marating nila ang kanilang Objective Rallying Point at nagkaroon ng headcount, nalaman ng tropa na si INSP FRILLES at P01 UTTO ay nawawala. Mistulang tumigil ang paggalaw nang orasan sa mga kasapi ng Team. Naramdaman nila ang malamig na haplos ng hangin sa kanilang katawan at ang marahang pagkaway ng mga dahon ng puno sa kanilang paligid na mistulang kaway nang pamamaalam, halos nauulinigan pa nila ang tinig ng dalawang kasamahan na masayang naghahanda ng kanilang gamit bago ang kanilang Police Operation…mga tinig na hindi na nila muling maririnig kailanman.  Ilang saglit pa, naging malinaw sa kanilang lahat ang kabayanihang ipinamalas ng dalawang troopers na nagsilbing holding force at nag-engaged sa nakararaming bilang ng mga kaaway upang malayang maka-withdraw nang ligtas ang kanilang mga kasama.

            Nang marekober  ang bangkay ng dalawa ay tadtad ng punglo ang kanilang mga katawan at may tama ng bala ang kanilang mga ulo. Naigupo man ang kanilang katawang pisikal, ang diwa ng kagitingan na naikintal nila ay mananatili sa puso’t diwa ng sambayanan. Paalam sa inyong dalawa, mga magiting na kasama…

34th Special Action Company (PNP-SAF)

BANTAYOG NG KAGITINGAN

“The secret of life isn’t just to live but to have something worthwhile to live for. We only live once, but if we live a just and righteous life to fight for a noble cause, one lifetime is more than enough...”

Ni  Bert Fabregas

Ihandog Ang Buhay Para sa Kaligtasan ng Mamamayan

Nag-alay ng kanilang buhay  ang apat na miyembro ng  Special Action Force (SAF) ng Philippine National Police (PNP) habang tumutupad sa kanilang tungkulin nang tambangan sila ng mga kasapi ng New People’s Army (NPA) sa lalawigan ng Rizal nong Abril 20, 2010, araw ng Martes. Ayon kay Col. Aurelio Baladad, commander ng 202nd Infantry Brigade ng Philippine Army, tinatahak ng mga biktimang kasapi ng PNP-SAF ang isang ilang na lugar sa Antipolo City nang pasabugan sila at paputukan ng mga armadong lalaki dakong 6:00 ng umaga. Bukod sa apat na nasawi, lima pa nilang kasamahan ang nasugatan dahil sa pataksil na pag-atake ng NPA. Ang mga nasawi ay kinilalang sina Police Officer 1s Rami Baddungon, Jesus Moral, Johnald Tapitan at Clifford Bacwaden. Buong tapang naman na nakipaglaban sa mga umatakeng NPA ang limang natirang SAF Troopers sa kabila ng kanilang mga tinamong sugat bunga nang pananambang. Kahit na superyur ang bilang ng mga ambushers, hindi nasiraan ng loob ang mga pulis at nakipagsabayan ng putok sa mga NPA. Dahil sa kagitingang ipinamalas ng mga sugatang troopers ay napilitang umurong ang mga pulahang manliligalig  at tumakas sa hindi natukoy na pook. Sa unti-unting paghupa ng usok ng labanan, natukoy ng rumespondeng tropa ng pamahalaan ang mga sugatang pulis na sina PO1s Lito Babling, Indri Majaluddin, Ronnie Baroga, Alvin Infanta, at PO2 Joey Mangawit. Agad na  dinala ang mga sugatang  pulis sa Camp Crame General Hospital sa Quezon City upang malapatan ng atensyong medikal.. Sa hiwalay na ulat naman ng GMA News Flash Report, sinabi ni Senior Superintendent Ferdinand Yano, provincial police director noon ng Rizal, na may dalawang sibilyan din ang nasugatan sa naganap na pag-atake ng mga kasapi ng New People’s Army. Bago ang palitan ng putok, nagpasabog muna umano ng itinanim na bomba (Land mines) at mga Granada ang tinatayang 20 hanggang 30 NPA sa tropa ng pulisya na kasapi ng 34th Special Action Company na nakabase sa Brgy San Jose sa Baras, Rizal. Patungo ang mga SAF-Troopers sa isang area ng Antipolo dahil sa ipinarating na inpormasyon ng mga residente na nakakita umano ng mga armadong kalalakihan sa kanilang barangay, nang tambangan ang kanilang sinasakyang behikulo natapos pasabugan ng landmine. Hihinala ng mga awtoridad na may kaugnayan sa Eleksyon  ang ginawang pag-atake ng mga NPA.  “They want to show that they are a force to reckon with during the elections,” ayon pa sa isang opisyal.  Ayon naman sa Blogsite na Http://www.Gdizon07.blogspot.com., dahil sa walang saysay na  pananambang  ay mariing  kinondena ng mga residente ng Antipolo ang pataksil na pamamaslang ng mga NPA sa mga Alagad ng Batas. Ayon kay Ka Nardo, isang lider ng barangay,” Sana ay tigilan na ng mga NPA ang kanilang paghahasik ng karahasan  sa aming lugar, di pa sila kuntento sa pangingikil sa amin sa pamamagitan ng Permit to Campaign, ekstorsiyon sa mga magsasaka at maliliit na negosyante, pati mga Pulis na nangangalaga sa katahimikan ng aming komunidad ay kanilang pinapatay na parang mga manok!!”    “Authorities had long condemned the use of land mines as it not only violates provisions under the Geneva Convention of 1949, but it also poses threats to non-combatants or civilians in the area. The use of landmines and booby traps are prohibited under Protocol II of the United Nations Convention on Certain Conventional Weapons, which appears as an annex of the Geneva Convention. Paglabag din ito sa Part III, Art. II, 15 ng Comprehensive Agreement on Respect for Human Rights and International Humanitarian Law (CARHRILL) na nagbabawal sa paggamit ng Landmines sa anumang labanan. Malinaw na nilabag ng NPA, na lagi naman talagang ginagawa nila, ang KARAPATANG PANTAO, ganoon din ang paggamit ng mga batang mandirigma ( Child Warriors ). #UltimateSacrifice #repTourGlendale #ShowtimeMAYtawa9 #Supreme Court #CourtofAppeals #IskoMoreno #CitiGLOBALxMaine #Pelicans #S2PKasal #Sereno #MAYWARDFanMeetMay19Na

PO1 Jean Tacadao -PNP 6th Regional Mobile Group

“ The secret of life isn’t just to live but to have something worthwhile to live for. We only live once, but if we live a just and righteous life to fight for a noble cause…one lifetime is more than enough…” 

Ni Bert Fabregas

" Kaagapay ang Kababaihan sa pagtatanggol sa Mamamayan! "

Sa tradisyonal na sistema ng lipunang Pilipino, itinuturing ang mga kababaihan bilang mga babasaging kristal, tagapagpalaki ng mga anak at tagapangalaga ng tahanan. Inilarawan sila sa mga literatura bilang mga kimi, mahinhin, palayuko sa dikta ng nakakatanda at karelasyon, tagawalis, tagaluto, tagalaba at tagaplantsa. Ang kanilang haplos ay nagpapaginhawa sa nararamdamang sakit ng isang bata, nagpapatahan sa isang batang nagmamaktol. Ang kanilang tinig ay kaakibat ng marubdob na emosyon ng pagkalinga at pag-aruga sa kapwa na sumasalamin sa tutoong karakter ng kababaihang Pilipina. Para sa nakararaming Pilipino, babae ang ilaw ng tahanan na nagbibigay ng direksyon sa atin sa karimlan ng ating buhay, sila ang ating kanlungan sa mga sigwa at daluyong na ating kinakaharap.

Subalit sa ating kasalukuyang panahon, lumawak na ang nabuksang mga pinto ng oportunidad para sa mga kalahi ni EBA. Napalaya na ang kababaihan sa kinapiitang mga tradisyon, nakahulagpos na sa sinaunang mga balyus at paniniwala na nililok ng mga atrasadong kaisipan. Ang kababaihan ngayon ay humahawak na rin ng sandata upang ipagtanggol ang interes ng mamamayan at ipatupad ang batas nang walang kinikilingan.

Si P01 Jean Tacadao ay isa sa hanay ng mga makabagong kababaihan. Hinangad niyang maging isang Pulis. Bilang isang alagad ng batas, dumaan siya sa mga pagsubok at pagsasanay kagaya ng mga lalaking pulis. Hindi niya inalintana ang hirap nang pagsasanay at panganib, hindi matatawaran ang kanyang dedikasyon at katapatan sa tungkulin. Ang kanyang kagitingan bilang isang policewoman ay matingkad na nakatitik na sa ating Bantayog ng Kagitingan.

Sumasailalim noon sa isang training mission ang tropa ni Jean sakay ng isang patrol vehicle noong Disyembre 3, 2008. Kasama niya sa lakad na iyon ang apat na babaeng pulis. Nang marating nila ang area ng barangay Estado, Victorias City, biglang umalingawngaw sa paligid ang mga nakatutulig na putok ng baril. AMBUSH!! Ito ang malinaw na reyalisasyong tumambad sa mga babaeng pulis. Agad na gumanti ng putok ang tropa ni Jean na noon ay pinapaulanan ng bala ng nakararaming bilang ng mga manliligalig na NPA. MANEUVER!! Ito ang naging pangunahing reaksyon ng mga tinambangang pulis upang makaalpas sa inilatag na Killing Zone ng mga kaaway.

Pagkaraan ng ilang sandali, isang sumisingasing na bala ang tumama sa ulo ni P01 Tacadao na tumapos sa kaniyang magiting na pakikipagbarilan. ”Mama, naigo ko sa ulo!“, ito ang mga huling salitang kaniyang nasambit ayon sa kaniyang mga kasamahan. Sa kabila ng superyur na puwersa ng mga kaaway, nagpamalas nang katapangan ang natirang apat na mga babaeng pulis na kasamahan ni Jean at nagpatuloy sa pakikipaglaban hanggang sa dumating ang reinforcement troops ng ating pamahalaan.

Agad na dinala ng sumaklolong tropa sa pagamutan sa Silay City ang mga kasamahan ni Jean na sina PO1 Melanie Tupas, PO1 Marife Cantomayor, PO1 Jocelyn Tibar, and PO1 Annie Lou Patricio. Narekober naman ang mga basyo ng bala, ammunition clips at mga personal na gamit ng mga NPA sa pinangyarihan ng pananambang.

Dahil sa engkuwentro, kaagad na inatasan ni PDGEN JESUS A VERZOSA, Chief ng Philippine National Police noon, ang ground troops ng PNP na suyurin ang lugar at durugin ang puwersa ng mga NPA na responsable sa ambush.“The gallantry demonstrated by these policewomen while locked in battle with the enemy is in the finest tradition of the police service and should inspire other police personnel to better perform their individual roles in internal security operations.”, ang mariing pahayag ni Versoza.

Samantala, ayon naman kay Police Chief Superintendent Yolanda Tanigue, Hepe ng Women and Children Protection Center (WCPC) noon at ang highest ranked female officer ng PNP ,”The treachery involved in the attack showed the ruthlessness and disregard for human life by the NPA insurgents.This may be among the risks involved in being a police officer, but certainly, this incident will not diminish the spirit of other policewomen who, like their male counterparts, are sworn to serve and protect the communities and the people against criminals and terrorists," pagbibigay diin pa ng babaeng heneral . Umaabot sa 11,000 ang mga kasaping babaeng ng PNP noon na bumubuo sa 9% ng kabuuang bilang ng Pambansang Pulisya.

#BuwanNgKababaihan

#PNPHero

#ArawNgKababaihan

#BantayogNgKagitingan

“ Inialay Ang Buhay Para Sa Kaligtasan Ng Mamamayan ”

“ The secret of life isn’t just to live but to have something worthwhile to live for. We only live once, but if we live a just and righteous life to fight for a noble cause…one lifetime is more than enough…” 

Ni Bert Fabregas

Ang mga holdaper ay walang pinipiling oras at pook upang magsagawa ng kabuktutan, maghasik ng takot at biktimahin ang mga inosenteng mamamayan. Kadalasan din na pumapatay ang mga ito ng kanilang biktima matapos na sapilitang makuha ang anumang mahahalagang bagay mula sa kanilang target.  Marami nang pulis ang nagbuwis ng kanilang buhay  upang maipagtanggol ang sambayanang pinaglilingkuran. Sila ang ating mga tunay na BAYANI, sila na hindi nagdalawang-isip na itaya ang kanilang buhay upang mailigtas ang kanilang kapwa, sila na hindi nag-atubili sa tawag ng sinumpaang tungkulin na “ To SERVE and PROTECT, sila na hindi inalintana ang kanilang sarili…

Kulang ang mga salitang maglalarawan sa kadakilaan ng mga Alagad ng Batas na nag-alay ng sarili para sa kanilang kapwa. Bumalong na ang luha ng kanilang mga naulila, natigmak na ng kanilang dugo ang sagisag ng Philippine National Police, nakahimlay na sa puso at diwa ng sambayanan ang kanilang kagitingan. Hayaan ninyong sa hamak na espasyong ito ay muli nating sulyapan ang ilan sa kanila na isinulat sa dugo ang kanilang kabayanihan.

1)     PO2 Oliver Benedicto

Pauwi ng Maynila si PO2 Benedicto noong gabi ng Agosto 8, 2002. Siya ay nakatalaga sa Barangay Dolores, San Fernando City at sumakay sa isang air-conditioned na Alladin Bus. Hindi alam ni Oliver na ang pagsakay niya sa bus na iyon ang magiging sanhi upang maipakita niya ang katapangan ng isang tunay na pulis.

Kasabay pala niya sa bus at nagpanggap na mga pasahero ang tatlong holdaper. Nang magdeklara ng holdap ang mga salarin, hindi inalintana ng pulis ang nakakaraming bilang ng mga kalaban. Ang nasa isip niya’y ang kaligtasan ng mga pasahero ng bus na bibiktimahin ng mga holdaper. Binunot niya sa kanyang holster ang kanyang baril at lumaban sa tatlo subalit sinawimpalad na napuruhan agad siya ng mga katunggali. Hindi pa nagkasya ang mga buhong, pinagsasaksak pa nila si Oliver hanggang tuluyang malagutan ito ng hininga. Bagaman at may nasugatan sa mga pasahero dahil sa naganap na insidente, wala namang napatay sa mga ito. Nailigtas ni PO2 Benedicto ang buhay ng mga inosenteng biktima ng panghuholdap.

2)     SPO1 Norberto Del Rosario

Binabagtas ng ES Transport bus na may plakang TWA-594 na minamaneho ng isang Ruben Castillano ang Sta. Rita Exit sa North Diversion Road ng North Expressway. Payapa ang hapong iyon ng buwan ng Hulyo 2003. Kabilang si SPO1 Del Rosario sa mahigit na 50 pasahero ng bus na umaasam na payapa siyang makakarating sa kanyang paroroonan at makakapiling ang mga mahal niya sa buhay. Nakatalaga siya sa Police Security and Protection Office sa Camp Crame.

Bandang alas tres ng hapon, nagulantang ang mga sakay na pasahero ng Bus nang tumayo ang apat na holdaper at sumigaw ng holdap. Bagaman at nabigla, bumunot ng kanyang baril si Del Rosario subalit naunahan siyang maputukan ng isa sa mga holdaper na nasa dakong likurang bahagi ng bus. Sa kabila ng kanyang tinamong tama sa batok, sinikap pa rin ng pulis na  makalabit ang gatilyo ng kanyang baril ngunit umalingawngaw ang apat pang magkakasunod na putok na tumama sa kanyang katawan at naging sanhi ng agaran niyang kamatayan.

Tumakas ang apat na holdaper sa may SM North EDSA matapos mapatay ang magiting na pulis. Ligtas naman ang mga pasahero ng bus na agad nagtungo sa Kamuning Station ng Central Police District upang ipaalam ang insidente.  Sa gitna ng takot na idinulot sa kanila ng malagim na pangyayari, may kurot na iniwan sa puso ng bawat isa ang impit na pasasalamat sa napatay na Alagad ng Batas. Isang mapait na ngiti ang tangi nilang maipapabaon kay SPOI Del Rosario, na lumaban para sa kanila at walang pag-aalinlangang ipinagtanggol sila laban sa mga kriminal… hanggang sa huling patak ng kanyang dugo.

3)  PO3 Orlando_Balasta 

Isang taxi Driver ng KEN-KEN taxi ang hinoldap ng dalawang tao bandang alas 2:30 ng madaling araw, buwan ng Enero 2006 sa panulukan ng Road-10 at Capulong Sts, Tondo. Halos pagsukluban ng mundo ang kawawang tsuper sapagkat nilimas ng mga buhong ang kanyang kinita sa magdamag na pamamasada. Sa gitna ng kawalang pag-asa ng drayber, isang pulis ang agad na sumaklolo sa kanya at hinabol, sakay ng scooter, ang tumakas na mga holdaper. Nasukol ni PO3 Balasta ang dalawang kriminal subalit sa halip na sumuko ay nagpaputok pa ang mga ito. Nakipagsabayan na rin ng putok si Balasta. Sa sumunod na bugso ng sumisingasing na mga punglo ay tinamaan sa ulo ang rumespondeng pulis. Agad na tumakas ang dalawa subalit   nasakote rin  sila ng mga elemento ng Manila Police District. Malubha ang tinamong tama ng magiting na pulis.

Namatay habang ginagamot sa Mary Johnston Hospital si PO3 Orlando Balasta. Ayon sa mga doktor ng pagamutan, matapang itong  nakipaglaban sa kamatayan hanggang sa huling sandali ng kanyang buhay.

Sa burol ni PO3 Balasta, nakitang malungkot na nakatunghay sa kanyang kabaong ang taxi Driver na kanyang tinulungan. Saan man mapunta ang tsuper na iyon sa kanyang paghahanap-buhay, kipkip niya lagi sa kanyang alaala ang kagitingan ng isang pulis na nag-alay ng buhay para maglingkod at magbigay proteksyon sa mga kagaya niyang naging biktima ng kasamaan. 

SP01 Liberato Cesar, Jr---Para sa Pamilya at Sambayanan

KAPAYAPAAN ANG IPAGLABAN, HINDI KARAHASAN!!!

Humihiyaw nang katarungan ang mga kaanak at kaibigan ni SPO1 Liberato Cesar Jr.,  bunga nang maka-hayop na pagpaslang sa kanya ng mga Teroristang New People’s Army (NPA). Ito ang mariing pahayag ni  Louie Balbago ng grupong INANG BAYAN. Ang nabanggit na Non-Government Organization (NGO) ay pangunahing tagapagtaguyod ng mga pagkilos upang wakasan na ang karahasan at lagim na inihahasik ng NPA sa ating bansa.

Si SPO1 Cesar na isang ulirang ama at alagad ng batas ay nasabat sa isang checkpoint ng mga NPA sa Barangay Sabloyon, Caramoran, Catanduanes habang sakay ng isang motorsiklo noong Agosto 7, 2006. Sinundo siya ng kaibigang si Jomel De Quiros mula sa bayan ng Viga upang maghanap ng tulong medikal para sa kanyang anak na maysakit. Dahil sa hangaring mabigyan ng lunas ang anak, hindi na inalintana ng pulis ang kanyang personal na kaligtasan upang makahanap ng gamot.

Ayon kay PO3 Rogelio Manlangit, imbestigador ng kaso," Hindi na nagkaroon nang pagkakataong umiwas o manlaban si SPO1 Cesar. Pinaligiran agad sila (Cesar at De Quiros) at iginapos na parang mga baboy. Mistulang nagdiwang pa ang mga NPA nang mapag-alamang isang Pulis ang kanilang nalambat. Matapos tangayin ang dalawa, naglakad pa sila ng ilang oras kung saan pinalaya din si De Quiros ng mga komunista. Naging malagim naman ang kapalaran ni SPO1 Cesar na dumanas pa ng ibayong paghihirap at parusa bago pinaslang ng mga NPA."

Ang resulta ng Post Mortem examination sa bangkay ng pulis ay nagpapatunay ng labis na pagpapahirap sa biktima. "Ang kanyang mga paa at bahagi ng katawan ay pinitpit at binugbog sa hambalos, ang kanyang mga kuko sa daliri ay isa-isang binunot. Nagtamo rin si SPO1 Cesar ng mga palo sa ulo at mga saksak sa dibdib," ito ang malungkot na salaysay ni PInsp TUGAY, hepe ng bayan ng Viga.

Inako ng mga NPA ang maka-HAYOP na pagpaslang kay SPO1 Cesar, isang Pulis at Ulirang Ama ng Tahanan. Ayon sa Black Porpaganda ng NPA, pinarusahan umano nila ito dahil abusado at may kasalanan sa kanilang kilusan. "Ito ay isang malaking kasinungalingan! Sa aming paglubog doon sa komunidad ay nakumpirma namin na mismong mga residente sa area ang nagpapatunay na isang magalang at mahusay na pulis ang pinaslang ng mga komunistang NPA", paglilinaw pa ni Balbago ng Inang Bayan Movement.

Walang tigil naman sa pag-iyak si Gng Nelia Cesar, maybahay ng biktimang pulis. " Napakabait niyang asawa at tagapagtaguyod ng aming pamilya. Paano na ang pito naming anak, paano na ang kanilang kinabukasan? Sana naman masugpo na ang paghahasik ng karahasan ng mga NPA. Talamak din dito sa amin ang extortion activities nila, Pati mangingisda, magsasaka at maliliit na negosyante ay hinihingan nila ng revolutionary tax!", himutok ng biyuda.

  

Nakakadurog din ng puso ang ipinaabot pang inpormasyon ng Ginang. Ang bunso nilang anak ay magdadalawang taon pa lamang nang paslangin ng NPA ang ama nitong pulis. Ang bunso ang siyang laging sumasalubong sa kanyang ama sa pintuan ng kanilang bahay tuwing ito ay umuuwi mula  sa kanyang duty sa presinto; siya rin ang nag-aabot ng tsinelas sa kanyang tatay pagdating nito. Ang pamamanglaw ng mga naulila ay lalong sumisidhi dahil  tuwing dapithapon ay lagi pa ring nag-aabang sa may pintuan ang bunso, umaasang mayakap ang ama at makalaro. Sa kawalang malay ng kanyang kamusmusan ay laging may katanungang nakakintal sa isipan, "Inay, bakit wala pa rin po si itay?"

SP01 Cesar